عزّي لمن مثلي ….. تغيّب ضنينه
اسج به وأنا مع الخلق والناس
تسكن خفوقي من هواه السكينة
كنه يقول لطاري الجرح لا باس
ي أعذب أيامه ويا بهجة سنينه
همسه يعانق بالغلا صدق الإحساس
تصحى بنا كل الجروح الدفينة
شفني اليا ذعذع مع الليل نسناس
وجدي على شوفه وضحكت جبينه
يفداه نبض القلب وتفداه الأنفاس
تفتح عروق النفس شوفةْ عوينَه
شوق تبين من ورى عوج الأقواس
زادت على قلب المولع حنينه
لأجله ضلوعي على القلب حراس
عجزت أنساه وأنسى لمسةْ يدينه
عشقه غلا صادق وحبٍ بلا قياس
غيبته عنّي غدت ذكرى ثمينه
واكتب معاناتي على كل كراس
قلب تعذّب اسأل الله يعينه
سامع الشكوى وكاشف الباس